Владата на Република Македонија повторно ќе се задолжи, овој пат половина милијарда евра и тоа за прв пат во историјата кај странска земја, кај Унгарија, која како што вели премиерот им дала поволни услови или камата од 3,25 проценти, три години грејс период и 12 години рок на отплата. Сепак, ни Мицковски не знае од каде Унгарија ги обезбедила овие пари за нашата земја.
Поради ова и унгарскиот медиум „Портфолио“ истражи и објави дека унгарската Влада тајно позајмила една милијарда евра од кинеските банки оваа пролет, а медиумот се повикуваше на ажурираната статистика на Центарот за јавно менаџирање на јавниот долг.
Опозицијата пак вели е загрижена. За нив нелогично е зошто една земја која нема пари да даде, се задолжува од друго место со многу поголема каматна стапка, а нас ни дава заем со помала каматна стапка.
Токму ова беше причина 24инфо да направи анкета и да ги запраша граѓаните за тоа каков е нивниот став по повод најновото задолжување.
Сите се децидни дека ниту едно задолжување не е добро, но дека доколку на конец висат нивните плати и пензии тоа е задолжително.
Велат ако се трошат каде што треба убаво ќе биде, ако се трошат како до сега залудно ќе биде се.
Касата е празна, граѓаните се плашат дека нивниот опстанок е загрозен, а сметките се се поголеми, па новото задолжување го гледаат како надеж за поголеми примања.
Други пак велат задолжени сме до гуша, пари нема од никаде, живот е мизерен… треба домаќински да се работи.
Целата анкета погледнете ја во продолжение.
Н.Ј.
