Синоќа Демократската партија на Србите во Македонија ДПСМ го прослави својот 32 роденден, објави на својот Фесбук профил лидерот на оваа партија Иван Стоилковиќ.
Меѓу пристуните, на прослвата бил и лидерот на ВМРО-ДПМНЕ, Христијан Мицкоски, како и кандидатката на оваа партија за претседател Гордана Силјановска Давкова, кои од она што може да се забележи на објавените фотографии, учествувале и во симболично пресекување на славеничката торта.
Кој е Иван Стоилковиќ?
Стоилковиќ со децении е претседател на ДПСМ, партијата која исто така со децении е традиционален коалициски партнер на ВМРО-ДПМНЕ, а самиот Стоилковиќ имал добри релации како претходно со Никола Груевски, така и сега со Христијан Мицкоски.
Стоилковиќ е еден од најжестоките поддржувачи на Москва и на Владимир Путин.
Лани во ек на воената инвазија на Русија врз Украина, Стоилковиќ како единствен претставник од Македонија учестуваше на Безбедносен форум организиран од Кремљ каде свое видео обраќање имал и самиот Путин.
Претходно, Стоилковиќ учествувал на овој форум и во 2019 година, во период кога државата и официјално ги затвораше последните поглавја од пристапувањето кон НАТО.
Во сега веќе далечната 2016 година, година на политички кризи и масовни протести, Стоилковиќ учествуваше на Конгрес на партијата на Путин, Единствена Русија каде потпиша Декларација дека неговата партија ќе работи на тоа Македонија да биде воено неутрална држава.
Стоилковиќ стана препознатлив и како жесток противник на интеграцијата на Македонија во ЕУ и НАТО, политичар кој во јавноста застапува проруски ставови.
Но досега неговиот „поголем брат“ од ВМРО-ДПМНЕ ниту еднаш јавно нема реагирано или осудено некаков антиевропски потег и говор на Стоилковиќ.
Напротив, од фотографиите објавени од синоќешниот настан, јасно се гледа дека ДПСМ и ВМРО-ДПМНЕ како и Стоилковиќ, Мицкоски и Гордана Силјановска Давкова, имаат одлична соработка.
