Пожар денеска избувнал во атарот на валандовското село Јосифово. Центарот за управување со кризи информира дека гори сува трева, а поради силниот ветер и високите температури, огнот брзо се шири кон населеното место.
По барање на градоначалникот на Општина Валандово, итно беше активиран еден полициски хеликоптер.
Пожар избувнал и на територијата на Општина Росоман, но според информациите, тој во моментов е ставен под контрола.
Претходно, во во текот на денот сериозен пожар избувна и на депонијата во Визбегово кој поради наглото ширење кон околните куќи предизвика силна вознемиреност кај граѓаните.
