Денеска по 15 часот, голем пожар избувна во населбата Соколана во Бар, Црна Гора. Над градот се надвисна густ црн чад, а екипи на пожарникари веднаш пристигнале на терен за да го гасат огнот, јавува Радио Бар.
Жителите на Соколана изјавиле за порталот Приморски дека пожарот се случил на околу педесет метри од куќи. Според нив, пожарникарите брзо реагирале и избегнале поголеми последици. Како што пренесуваат, во воздухот се чувствува непријатен мирис на запалени гуми.
Засега нема информации за причините за настанување на пожарот, а локалните власти продолжуваат со истражувањето на инцидентот.
