Утрински Весник
Свет

Годишната инфлација во еврозоната во јануари прелиминарно падна на 2,8 отсто

Според прелиминарните податоци на Евростат, годишната стапка на инфлација во еврозоната се намалила на 2,8 отсто во јануари од 2,9 отсто во декември.

Цените на енергијата во еврозоната паднаа за 6,3 отсто на годишно ниво, додека цените на храната, алкохолот и тутунот пораснаа за 5,7 отсто, инфлацијата во услужниот сектор изнесуваше четири отсто, а индустриските производи освен енергетските производи поскапеа за два отсто, се наведува на веб-страницата на Евростат.

Според прелиминарната проценка на Евростат, Германија во јануари забележала годишна стапка на инфлација од 3,1 отсто, а втората по големина европска економија, Франција, забележала инфлација од 3,4 отсто.

Според очекувањата на Евростат, Шпанија регистрирала инфлација од 3,5 отсто, Италија 0,9 отсто, а Хрватска 4,8 отсто. Инфлацијата во еврозоната во јануари е за 0,4 отсто пониска отколку во декември.

Можете да прочитате

Лула да Силва не го менува ставот дека Израел извршил геноцид во Појасот Газа

Трамп: Поради обвиненијата против мене, имам поголема поддршка од Афроамериканците

(Видео) Бајден ја прекрсти вдовицата на Навални наместо Јулија ја нарече Јоланда !