Ѓорѓи Галетановски поднел оставка од претседател на градската организација на СДСМ.
Ова за Тв24 го споделил висок функционер на СДСМ, а официјална потврда стигнала и од централата на партијата.
”Оставката е поднесена од лични и морални причини и доставена до партијата. Во однос на понатамошните одлуки органите на СДСМ ќе постапат согласно статутарните одредби на партијата, за што ќе ја информираме јавноста“ велат за ТВ 24 од СДСМ.
Галетановски е еден од петте советници од листата на СДСМ и коалицијата кои обезбедија мандат во Советот на Град Скопје.
На местото претседател на Градската организација дојде по стапувањето на Венко Филипче на челната позицијата во СДСМ.
Засега нема информации дали Галетановски ќе се повлече и од советничкото место или ќе биде советник во наредните четири години.
