Женската фудбалска репрезентација на Македонија загуби од Бугарија со 0:1, во првиот меч од Лигата на нации. На дуелот што се одигра на СЦ „Петар Милошевски“ при комплексот на ФФМ, Бугарките многу рано го отворија резултатот.
Јоана Станкова уште во четвртата минута ја затресе мрежата на Македонија и донесе водство за гостинската селекција.
Македонија во продолжението беше подобар тим, имаше неколку шанси за израмнување, а најизгледната ја пропушти Максути. Таа излезе сама пред голот, но шутираше непрецизно.
