ВМРО-ДПМНЕ во кампањата на последните избори создаде колективна психоза за многу прашања и треба да се анализира како била смислена таа кампања, кој ја финансирал и дали финансирањето е само од домашни или можеби е и од странски извори, порача пратеникот и претседател на СДСМ, Венко Филипче во поткастот „Политиканти“.
Тој додаде дека ВМРО-ДПМНЕ едно зборувала тогаш како опозиција, а друго прави денес како власт.
„Сега излезе дека Бехтел и Енка не бил криминален проект. Тоа е стратешки проект од важност и единствениот проект кој ја движи економијата. Ништо друго во државата не се случува, се друго стои. И инвестициите странски се од наше време, овие сега што се како Магна итн…Е сега нели требаше да се деклассифицира договорот со Бехтел и Енка, зошто не го декласифицираат? Еве, сега може да го направат. Не ли беше надзорот фирма за чорапите? Сега си продолжуваат со истиот надзор. Нели ќе го враќаа името?“ вели Филипче.
