Трговскиот центар East Gate Mall денеска беше евакуиран откако бил активиран противпожарен аларм кај еден од закупците во објектот.
Посетителите и вработените биле замолени мирно да го напуштат трговскиот центар, согласно предвидените безбедносни процедури и протоколи за евакуација.
По извршените проверки од надлежните служби било утврдено дека станува збор за лажен аларм за пожар, по што трговскиот центар повторно продолжил со редовно функционирање.
Според првичните информации, нема повредени лица ниту е причинета материјална штета. Евакуацијата била спроведена исклучиво како превентивна мерка по активирањето на алармот.
