Министрите за надворешни работи на Европската Унија (ЕУ) в понеделник ќе разговараат за воведување нови санкции кон Иран како одговор на задушувањето на протестите во таа земја, изјави денеска литванскиот министер за надворешни работи, Габриелиус Ландсбергис, за време на посетата на Берлин, пренесува „Бета“.
„Ќе предложиме дополнителни списоци, кои би можеле да бидат вклучени во (постојната) листа на санкции“, рече Ландсбергис додавајќи дека новите санкции ќе имаат два дела – првиот за учество на Иран во војната со Русија во Украина, а вториот за кршење на човековите права.
Протестите во Иран беа почнати на 16 септември, денот на смртта на Махса Амини (22) во болница, каде што беше ставена во тешка состојба по нејзиното апсење на 13 септември во Техеран поради носење несоодветна облека и непочитување на строгиот кодекс на облекување за жени во Иран.
