Европската унија ги продолжи за уште шест месеци санкциите против речиси 1.500 физички и 205 правни лица од Русија, кои ги обвинува за поткопување на територијалниот интегритет на Украина, соопшти Советот на ЕУ.
Санкциите за 1.473 физички и 205 правни лица се продолжени до 15 септември 2023 година, се наведува во соопштението и се додава дека тоа е направено автоматски, без дискусија, пренесува Тасс.
Европската унија почна да воведува санкции кон Русија во 2014 година, а тие предвидуваат забрана за влез во Унијата за физички лица, замрзнување на имотот и забрана за ставање на располагање средства или други економски ресурси на наведените физички и правни лица, стои во написите.
