Утрински Весник
Свет

Ерменија се приклучи на Меѓународниот кривичен суд, за Русија тоа е непријателска одлука

Ерменија се приклучи на Меѓународниот кривичен суд (МКС) во Хаг, објавија службени извори, што е одлука која Русија ја смета за непријателска.

„Римскиот статут (со кој беше основан МКС) официјално стапува на сила за Ерменија на 1 февруари“, изјави ерменскиот претставник за правни прашања Јегише Киракосјан, што Русија веќе го опиша како „непријателска одлука“.

Во март, Меѓународниот кривичен суд издаде налог за апсење на рускиот претседател Владимир Путин поради организирање или одобрување на нелегална депортација на украински деца во Русија.

Ереван сега е должен да го уапси рускиот претседател доколку стапне на нејзина територија.

Портпаролот на Кремљ, Дмитриј Песков, во октомври изјави дека Ерменија донела „лоша одлука“ со ратификувањето на Римскиот статут.

Ерменскиот премиер Никол Пашинјан се обиде да ги смири стравувањата на Кремљ уверувајќи дека одлуката не е насочена против Русија. 

Можете да прочитате

Земјоделците од Централна и Источна Европа денеска ги блокираат границите и големите градови

Пожар во Австралија, повеќе од 2.000 луѓе се евакуирани, температури над 40 степени

Кина: Најмалку две лица загинаа откако товарен брод удри во мост