Утрински Весник
Свет

Ердоган: Нетанјаху го чека истата судбина како Младиќ и Караџиќ

788278 Erdogan Otvoreno So Zakana Do Grcija Poradi Sredozemjeto Ili Ke Go Razberete Jazikot Na.jpg

Турскиот претседател Реџеп Таип Ердоган изјави дека израелскиот премиер Бенјамин Нетанјаху, кој го нарече „касапот на Газа“, го чека судбината на Радован Караџиќ и Ратко Младиќ .
Ердоган тоа им го кажа на членовите на пратеничката група на Партијата на правдата и развојот (АК Партија) во турскиот парламент.

-Запомнете, Хитлер не беше сам кога го изврши холокаустот. Многу земји во Европа го поддржаа Хитлер.

Додека Хитлер вршеше безмилосни масакри и геноцид, тој се чувствуваше многу силен, моќен и непобедлив. Што се случи? Се застрелал во главата, а неговото изгорено тело било пронајдено во неговиот бункер, кој бил во урнатини, како и Германија – рече Ердоган, пренесе Анадолија.

Тој нагласи дека Европа и многу земји застанале и зад лидерите на босанските Срби, Радован Караџиќ и Ратко Младиќ, додека тие, како што рече, „вршеле злосторства“ во Босна.

-Убија 8.372 наши браќа Босанци пред очите на светот. Никогаш не помислиле дека еден ден ќе мора да платат за тоа. И што се случи? Тие беа фатени, изведени на суд и тие некогаш „моќни“ политичари и геноцидни генерали беа повикани на одговорност. Сега чекаат смрт во затвор. Не заборавајте, „касапот на Газа“ Нетанјаху и неговите соучесници во геноцидот во Газа, порано или подоцна го чека истата судбина – подвлече Ердоган.

Можете да прочитате

Калињак: Закрепнувањето на премиерот Фицо, по обидот за убиство, ќе трае исклучително долго

Save the Children: 6,5 милиони авганистански деца годинава ќе се соочат со глад

Макрон: На Украина да и се дозволи да користи западно оружје за да гаѓа цели во Русија