Утрински Весник
Бизнис

Ердоган го покани Маск да изгради фабрика за електрични автомобили во Турција

Ердоган го покани Маск да изгради фабрика за електрични автомобили во Турција

Турскиот претседател Реџеп Таип Ердоган го покани извршниот директор на Тесла, Илон Маск, да изгради фабрика во Турција, јави агенцијата „Анадолија“ на платформата „Икс“.

dobivaj vesti na viber

Ердоган му го дал предлогот на Маск за време на состанокот во Турската куќа, облакодер во близина на Обединетите нации во Њујорк, објави турската државна новинска агенција во неделата вечерта.

Маск денеска во Калифорнија треба да се сретне и со израелскиот премиер, Бенјамин Нетанјаху. Маск на платформата „Икс“ објави дека нивните разговори ќе се фокусираат на технологијата за вештачка интелигенција.

Ердоган е во САД за да присуствува на 78. сесија на Генералното собрание на Обединетите нации.

Во август Тесла изрази интерес за изградба на фабрика во Индија за производство на евтини електрични возила.

Тесла има шест фабрики и ја гради седмата во Мексико, во северната држава Нуево Леон, како дел од напорите на производителот на електрични автомобили да го прошири своето глобално присуство.

Маск во мај изјави дека производителот на автомобили, најверојатно, ќе избере локација за новата фабрика до крајот на оваа година.

Покрај управувањето со „Тесла“, Маск ја купи и платформата „Икс“, порано позната како „Твитер“, за 44 милијарди долари во 2022 година.

Можете да прочитате

(Видео) Ковачевски: Новата фотоволтаична централа „ФЕЦ Новаци“, најголема на Балканот, е чекор напред кон енергетската независност

Ковачевски: Растат инвестициите во обновливи извори

Од полноќ поевтинува бензинот „евросупер БС-98“, цените на другите горива остануваат исти