Под влијание на циклонска активност, од утре (среда) до сабота ќе преовладува претежно облачно време со повремени врнежи од дожд, информира УХМР.
Најголеми врнежи се очекуваат во текот на утрешниот ден и во четврток, при што се најавуваат количини над 25 литри на метар квадратен за 24 часа.
Поради спуштање на постудена воздушна маса во четврток дневните температури ќе опаднат за 4 до 6 степени.
На планините врнежите ќе преминуваат во снег.
Стабилизирање на времето се очекува од недела.
