ВМРО-ДПМНЕ се бори и се залага за фер шанса и за заштита на македонскиот идентитет и посебност и тоа се легитимни барања, легитимна борба и ќе продолжиме да се бориме.
Ваков е коментарот на портпаролот на ВМРО-ДПМНЕ, Наум Стоилковски прашан за изјавата на американската амбасадорка Анџела Агелер дека е лажна вест можноста за репреговарање на преговарачката рамка.
Агелер вчера изјави дека нема да има нови разговори за Преговарачката рамка.
„Лажна вест е дека некој може да го репреговара договорот постигнат минатото лето. Тоа е лажна вест. Исто така, лажна вест е дека е можен подобар договор кој се’ уште не сме го откриле“, рече амбасадорката.
СДСМ повторија дека во Собранието е време за глас за Европа и обединување околу стратешката цел – членство во Европската Унија и ја повикаа опозицијата да се престрои на страната на државните и националните интереси.
