СВР Штип поднесе кривична пријава против С.П. (35) од Струга и К.Т. (47) од Велес, поради сомнение за сторени кривични дела измама и злоупотреба на лични податоци. Според пријавата, осомничените со лажно прикажување на факти довеле во заблуда лице од Општина Карбинци, при што ги обезбедиле нејзините лични податоци и бројот на банкарска сметка.
На 25 јуни 2025 година, тие аплицирале за онлајн кредит во финансиско друштво, а потоа ја убедиле оштетената дека средствата по грешка се уплатени на нејзината сметка и побарале да ги повлече и да ги предаде на второосомничената.
