Утрински Весник
Македонија

Два протестни марша денес во Кочани

Pozar Kocani 3.jpg

Денеска во Кочани се најавени два одделни граѓански протести.

Првиот е закажан во 12:05 часот под називот „Марш за ангелите“ и ќе биде симбол на задоцнетата институционална реакција.


Истиот е организиран од страна на семејствата на починатите во трагичниот пожар во дискотеката Пулс во Кочани.

Собирно место е во Паркот на Револуцијата, по што граѓаните ќе се упатат кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.

Во писменото известување за овој марш организаторите нагласуваат дека тој не е за лицата од обезбедувањето во дискотеката и граѓаните кои не го прифаќаат таквото укажување не мора да се приклучуваат.

Другиот протестен марш под називот „Ваш профит – наши животи“ е закажан за во 15 часот и 59 минути и ќе има слична маршрута до институциите како и претходниот. Притоа, во најавата што беше објавена на социјалните мрежи, не е наведено кој го организира.

Можете да прочитате

Ахмети: Нема договор со Таравари

И камен би заплакал после трагедијата во Кочани – директорката на Клиниката за пластична хирургија низ солзи зборуваше за тој ден

Жителите на Делчево, Тработивиште и Разловци ќе се снабдуваат со вода од бунарски – водоводот во дефект