Кевин Дурент изминатата ноќ дебитираше за Феникс Санс. Со него во тимот Феникс топ фаворити за шампионската титула.
Тимот од Аризона ги совлада Хорнетс во Шарлот со 105:91, а Дурент постигна 23 поени (10-15 од поле) и 6 скока. Најефикасен беше Девин Букер со 37 поени (15-26 од поле), а Деандре Ајтон имаше 16 поени и 16 скока.
На Истокот, Милвоки Бакс ја продолжија победничката серија. Милвоки ја забележа 16-та последователна победа, славеа над Орландо со 139:117. Јанис Адетокумбо постигна 31 поен, Џру Холидеј уфрли 23.
Бостон го победи Кливленд со 117:113 предводен од Џејсон Тејтум, кој постигна 41 поен (13-21 од поле), 11 скока и 8 асистенции. Ова беше 20. натпревар на Тејтум со 40 поени плус. Џејлен Браун постигна 16 поени (6-15 од поле), а Маркус Смарт 14 (3-11 од поле).
На Кавси не им помогна ниту брилијантната партија на Донован Мичел со 44 поени (17-32 од поле), Дариус Гарланд додаде 29 поени (12-21 од поле) и 9 асистенции.
Брендон Инграм постигна 40 поени во триумфот на Њу Орлеанс во Портланд 121:110. Поранешниот играч на Портланд Си Џеј Меколум мечот го заврши со 24 поени. Кај Блејзерс се истакмаа Демијан Лилард со 41 поен и Џереми Грант со 28 поени.
Џејлен Брансон ги предводеше Њујорк Никс до победата над Бруклин Нетс од 142:118, а
Зек Лавин постигна 41 поен (14-20 од поле) во победата на Чикаго над над Детроит од 117:115. На Пистонс не им помогна ниту одличниот Бојан Богдановиќ со 34 поени.
