Демократската унија за интеграција (ДУИ) изрази почит кон одлуката на Стејт Департментот на Соединетите Американски Држави со која на црната листа се ставени Артан Груби, поранешен вицепремиер на Северна Македонија, и Енвер Беџети, судија за Апелационен суд.
„Како партија, остануваме посветени на стратешката соработка со Соединетите Американски Држави и на зајакнување на демократските вредности и транспарентноста“, се вели во официјалното соопштение на ДУИ.
Партијата нагласува дека партнерството со САД е клучно за напредокот на земјата во градењето на силни демократски институции и владеење на правото.
