Силно невреме проследено со обилни дождови го зафати хрватскиот град Дубровник, по што делови од градот се под вода.
Најкритично е на брегот на Лапад, каде што паднале огромни количини дожд. Водата влегла во куќите, а некои автомобили останале под вода.
Градоначалникот на Дубровник, Мато Франковиќ, се огласи во врска со ситуацијата.
„Драги сограѓани, екстремната количина врнежи ги поплави речиси сите улици во градот. Сите итни служби се на терен. За жал, ова не е крајот. Според прогнозите, од 15 до 23 часот се очекуваат дополнителни врнежи кои ќе предизвикаат уште поголеми проблеми. Ве молиме да останете во своите домови, освен ако не е апсолутно неопходно да излезете. Заштитете го вашиот имот. Нашите итни служби ќе направат максимални напори да ја испумпаат водата од објектите, но во вакви екстремни услови невозможно е целосно да се спречат поплавите“ – рече Франковиќ.
