Утрински Весник
Свет

Драма над Црното море: Се судрија руски борбен авион и американски дрон

„Американскиот дрон се урна сам“ – руското Министерство за одбрана се огласи по инцидентот над Црното Море

Руски борбен авион се судри со американско надгледувачко беспилотно летало над Црното Море, принудувајќи ги САД да го соборат дронот, соопшти американската војска, пренесе Би-би-си.

dobivaj vesti na viber

Западни воени извори претходно изјавија за АФП дека имало „инцидент“ во кој беспилотно летало Reaper од американско производство летало над Црното Море, област на интензивна воена активност на НАТО во близина на борбените линии на Украина.

Според „Фокс њуз“, ова се случило во меѓународниот воздушен простор над меѓународните води.

Воздухопловните сили на САД објавија соопштение во кое обвинија дека рускиот авион дека се однесувал на „непромислен, еколошки неправилен и непрофесионален начин“.

„Околу седум часот еден од руските авиони Су-27 го погоди пропелерот на МК-9, поради што американските сили мораа да го соборат МК-9 во меѓународни води. Неколку пати пред судирот, Су-27 фрли гориво и леташе пред МК-9 на непромислен, еколошки неправилен и непрофесионален начин. Овој инцидент, покрај тоа што е небезбеден и непрофесионален, покажува недостаток на компетентност“, се вели во соопштението на генералот на американските воздухопловни сили Џејмс Б. Хекер, командант на американските воздухопловни сили во Европа и Африка.

Руски и американски авиони летаа над Црното Море за време на војната, но ова е прва позната таква интеракција, која беше потенцијално опасна и можеше да ескалира во критичен момент од борбите, пишува Си-Ен-Ен.

Соединетите Држави управуваат со беспилотни летала Reaper над Црното Море уште пред почетокот на војната, користејќи ги за следење на областа. Беспилотните летала можат да летаат до 50.000 стапки, според воздухопловните сили, и имаат сензори и способност да собираат разузнавачки информации и да вршат извидување во долги временски периоди, што ги прави идеална платформа за следење на движењата на бојното поле и во Црното Море.

Не е познато дали има оштетувања на рускиот авион Су-27.

(Обновено)

 

Можете да прочитате

Макрон: Идеите на екстремната десница се шират во Европа

Песков: НАТО оди предалеку со воената реторика со што го зголемува степенот на ескалација

Украинскиот претседател Зеленски ќе ја посети Португалија