Далас Маверикс го добија дербито против Филалделфија во НБА лигата. Победи изминатата ноќ забележаа Голден стејт, Вашингтон и Сан Антонио.
Тандемот Лука Дончиќ-Кајри Ирвинг испорача 82 поени. Маверикс решавачката предност ја стекнаа во третата четвртина која ја добија со 39:24.
Дончиќ постигна 42 поени, Ирвинг два помалку. Словенецот имаше и 12 асистенции и четири скока.
.
Филалделфија ја предводеа Џоел Ембиид со 35 поени и осум скока, Тајрис Макси имаше 29, а Џејмс Харден забележа 27 поени и 13 скока.
Голден стејт Вориорс убедливо славеа над ЛА Клиперс со 115:91, Вашингтон славеа со 119:108 во дуелот со Торонто Репторс, а Сан Антонио ја победија Индијана со 110:99.
