Метео анализа на Славчо Попоски:
Почитувани мои, со оглед на тоа дека доаѓа циклонска активност која ќе биде на висина и со центар над Италија, истата ќе услови и тоа од викендов, па се до вторник да имаме исклучително нестабилна атмосфера. Врнежи, грмежи и засилен ветер очекуваме во најголем дел од Македонија.
На повеќе места ќе има појава на силно невреме, проследено со обилен пороен дожд, силни грмежи и електрични празнења, силен ветер и со појава на град.
Доброто е во тоа што врнежи очекуваме и во најкритичните места во поглед на пожарите, па така очекуваме овие врнежи многу да помогнат во гаснењето на истите.
На следниот линк можете да ја следите алатката за рано предупредување од невреме “НОТАС” и истата е од голема корист за секој граѓанин https://nothas.finki.ukim.mk/
