Европската недела за намалување на отпадот (the European Week for Waste Reduction (EWWR), која трае од 22-ри до 30-ти ноември 2025 година, создава силна можност младите луѓе од Северна Македонија да размислат за својот еколошки отпечаток и за тоа како нивните секојдневни избори ја обликуваат иднината.
Во текот на Европската недела за намалување на отпадот, EU Youth Cinema: Green Deal (EUYC:GD) заедно со локалниот партнер, невладината организација BRIGHT од Скопје, ќе го презентира документарниот филм Езеро од јаболка (LAKE OF APPLES) од Тамара Котевска и Љубо Стефанов, охрабрувајќи ги младите од Северна Македонија да ги истражат регионалните текови на отпад, користење на ресурсите и важноста на одговорната потрошувачка.
Документарниот филм Езеро од јаболка ќе се емитува на 25.11.2025 година, со почеток во 12 часот, во ексклузивниот кино партнер Cineplexx. На промоцијата на филмот ќе гостува Фросина Пандурска Драмикјанин, експерт за животна средина и активист. По прикажување на филмот ќе следува дискусија со експертите за животна средина и претставници на УНДП од Северна Македонија. На бесплатната филмска проекција ќе присуствуваат ученици и наставници од неколку училишта.
За филмот Езеро од јаболка
Снимен во текот на една година, овој документарен филм ги следи променливите судбини на прекрасното Преспанско Езеро – едно од најстарите слатководни езера на Земјата, кое обезбедува живеалиште за повеќе од 2.000 видови растенија и животни, од кои многу се уникатни за овој древен екосистем. Со финансирање од Швајцарската агенција за развој и соработка, Програма за развој на Обединетите нации (УНДП) MK помогна да се намали загадувањето во Преспанското Езеро по 15 години.
За EU Youth Cinema: Green Deal
Пионерска иницијатива EU Youth Cinema: Green Deal ја става одржливата Европа во центарот на својата уникатна едукативна понуда. Со својот мултикултурен пристап и иновативна повеќејазична стриминг платформа www.euyc.green, овој проект значително придонесува за препознавање и разбирање на климатската стратегија на Европската Унија. Оваа целогодишна едукативна програма особено е насочена кон адресирање на еколошките предизвици за младите, промовирање зелени навики и поттикнување поздрав, поодржлив начин на живот.
