Додека државата се соочува со нов бран пожари и температури кои надминуваат 40 степени, група деца спас од жештините бараат капејќи се во реката Вардар кај скопската населба Керамидница – дел каде што водата е видливо загадена, а околината преполна со отпад и ѓубре.
Сцената е загрижувачка и открива повеќе слоеви на проблем: од социјалната ранливост на овие деца, до негрижата за животната средина и отсуството на безбедни и достапни јавни простори за разладување во Скопје.
Во исто време, повеќе региони низ државата се борат со активни пожари, а граѓаните се повикуваат на претпазливост, хидратација и избегнување изложеност на сонце во најтоплите часови од денот.
