Утрински Весник
Македонија

Директорите и докторот стигнаа до крајот на процесот – слобода или осуда ги чека во тетовскиот суд

Протест за поддршка – слобода за доктор Вучевски, обвинет за пожарот во модуларната болница во Тетово

Тетовскиот суд ќе ја изрече првостепената пресуда за тројцата обвинети за пожарот во модуларната болница која изгоре, а однесе и 14 животи. Судијата Јордан Велковски ќе треба да ги огласи за виновни или да ги ослободи за делата за кои се гонат. Обвинети се поранешниот економски директор на болницата Артан Етеми, раководителот на ковид центарот, докторот Бобан Вучевски и Флорин Бесими, ексдиректорот на болницата во Тетово.

dobivaj vesti na viber

Ексдиректорот на тетовската болница Флорин Бесими и поранешниот економски директор Артан Етеми, не се гонат поради причината за пожарот во тетовската модуларна болница, туку бидејќи не ставиле пропишани уреди за гаснење на пожар. Докторот Бобан Вучевски се суди бидејќи дозволил влез на роднини во болничките соби, иако тоа било забрането. Ова е суштината на обвинетието за пожарот по кое се судат директорите и докторите, чие судење двапати се одлага. Првиот пат, поради отсуство на обвинетите, а вториот, бидејќи обвинетите дојдоа без адвокат.

Обвинетите Ф.Б. (Флорин Бесими) А. Е. (Артан Етеми) и обвинетото правно лице (Општа болница Тетово), не постапиле согласно мерките и активностите кои произлегуваат од договорот за заем склучен помеѓу Република С.Македонија и Меѓународна банка за обнова и развој – Светска Банка според кој, иако биле должни да имаат соодветни уреди и инсталации за заштита од пожари и експлозии, друга противпожарна опрема, средства за гаснење на пожари и противпожарни апарати, на денот на пуштање во употреба на Модуларната болница во Тетово, па се до денот на настанување на пожарот во Модуларната болница, не поставиле соодветни уреди за заштита од пожар – противпожарни апарати, па како резултат на нивното непостапување, на ден 8.09.2021 година околу 21:00 часот и како последица од настанатата куса врска преку висок преоден отпор во приклучниот кабел од дефибрилаторот со кој се вршела реанимација на пациент Марија Димовска, во соба број 3, кревет број 1, од прегревање на кабелот настанало палење на приклучната кутија од продолжниот кабел на синтетичките материјали од кои се изработени втикнувачите, полначот за мобилен телефон и куќиштето од продолжниот кабел, па по воочената појава на пламен, настанало бурно ширење на пожарните дејствија од соба број 3 кон соба број 2 и потоа по целиот објект, простирајќи се по кровните панели спрема ниските предели на панелните ѕидови и болничкиот инвентар“, стои во обвинението.

Пожарот се гаснел со ќебе и вода. За животот на пациентите се бореле двајца доктори, три медицински сестри и болничарка. Сите барале противпожарни апарати, но не успеале да ги најдат.

„….Но сите во обидот да го изгаснат огнот не успеале, по што се развиле пожарни дејствија и пожарот за краток период се проширил по целиот објект, па како резултат на настанатиот пожар пациентите болни од Covid-19 и членовите на нивните семејства, погоре наведени, како придружни лица починале“, се додава во обвинението.

За докторот Вучевски, има само еден пасус во кој се бара одговроност од него. Но не за пожарот, причините, ниту последиците од немање на противпожарни апарати.

„Обвинетиот Б. В. (Бобан Вучевски), како одговорно лице за време на епидемија не постапил според прописите и наредбите со кои се определуваат мерки за нејзино сузбивање и спречување и не постапил согласно наредбата донесена од страна на медицинскиот директор при ЈЗУ Клиничка болница во Тетово, за забрана на посета на неовластени лица во болничките простории, поради појава на сезонски грип и глобални случувања со Covid-19 и дозволил влез на неовластени лица – членови на семејствата на болните од Covid-19, како придружници, во Модуларната болница“, стои во обвинението.

Директорите се гонат за две кривични дела и тоа за тешки дела против општата сигурност и непостапување според здравствените прописи за време на епидемија, додека докторот само за непостапување според здравствените прописи во време на епидемија.

Застапник на обвинението е тетовскиот обвинител Бесир Алиу.

Можете да прочитате

Приведено и трето лице за убиството на докоторот пред поликлиниката во Железара

Тројца полициски службеници за несовесно работење во службата заработија кривични пријави 

Кривична пријава заработи лице кое заградило државно замјиште кај Бит Пазар и си наплаќал „арач“