Според досегашните информации, две лица загинале, а 20 се повредени во експлозијата што се случила во рудникот во Бартин, во Турција. Ова го изјави министерот за здравство на Турција, Фахретин Коџа, пренесува „Анадолија“.
Турскиот министер за внатрешни работи Сулејман Сојлу и министерот за енергетика и природни ресурси Фатих Донмез отпатуваа на местото на настанот.
????????????An explosion occurred in a coal mine in #Bartin province of #Turkiye
Rescuers were involved in the scene pic.twitter.com/EujoeGZ2bL
— Dailyaz (@dailyaz1) October 14, 2022
Според неофицијални информации од Турција, околу 50 лица останале заробени во јамата по експлозијата. Причината за експлозијата не е позната.
„44 лица се заробени на 300 метри под земја, пет лица на надморска височина од минус 350, додека 14 работници се евакуирани од местото на несреќата“ – изјави гувернерот на Бартина, Нуртач Арслан.
Агенцијата АП потсетува дека во најголемата катастрофа во турскиот рудник, 301 лице загина во 2014 година, кога избувна пожар во рудник за јаглен во градот Сома, на западот на Турција.
