Утрински Весник
Свет

Денес ќе почнат Олимписките игри во Париз

Gettyimages 588560078.jpg

Иако свеченото отворање е в петок, натпреварите на Олимписките игри почнуваат в среда. Традиционално, програмата ја отвораат екипните спортови – фудбалот и рагбито.

На Игрите рагби се игра во варијанта со седум играчи.

Во Париз ќе настапат вкупно 288 рагбисти, а титулите ги бранат Фиџи во машка и Нов Зеланд во женска конкуренција.

Рагби 7 во машка конкуренција ветува интензивни битки од самиот почеток, а на првиот ден од турнирот на терен ќе излезат освојувачите на медали од Токио.

Одбраната на титулата и нападот на третото злато по ред Фиџи ќе ја почне против Уругвајците.

Сребрените од Токио, Новозеланѓаните, првиот ден играат против Јапонија, а бронзените од претходните ОИ, Аргентинците, се среќаваат со Самоа.

На фудбалскиот турнир програмата од 15 часот ќе ја отворат Аргентина и Мароко, односно Узбекистан и Шпанија, а од 21 часот домаќинот Франција ќе игра против САД.

Можете да прочитате

Орбан: Шведска се одјави од цивилизацијата, мафијата искористила 284 малолетнички за да извршат убиство

Трамп: Ја сакам Украина, но земјата е во сериозна неволја

ЕУ до Израел: Запрете ја офанзивата во Газа, се подготвуваат нови санкции