Во основното училиште „Киро Глигоров“ денеска во 11 часот ќе се одржи настан насловен „Ден на франкофонските култури“, чија цел е низ низа училишни активности на интерактивни штандови да се доближи културната разновидност на франкофонските земји до домашната публика.
Настанот го организираат Амбасадата на Франција, Францускиот институт во Скопје и Општина Центар во рамки на одбележувањето на Месецот на Франкофонијата.
Покрај ОУ „Киро Глигоров“, учествуваат и останатите основни училишта во општина Центар: „Димитар Миладинов“, „Кочо Рацин“, „Koле Неделковски“, „Гоце Делчев“, „11 Октомври“, „Јохан Хајнрих Песталоци“ и „Св. Кирил и Методиј“.
Настанот официјално ќе го отворат амбасадорот на Франција, Кристоф ле Риголер, и градоначалникот на Општина Центар, Горан Герасимовски.
