Повеќе од два часа Аеродром, Ново Лисиче, Реонски Центар и делови од централното градско подрачје се без струја во Скопје. Од ЕВН за 24Инфо изјавија дека работат на санација на дефектот на 110кВ трафостаница, но поради истиот настана вистински хаос на улиците во Аеродром.
Поради дефектот, не работат семафорите на целиот дел на Скопје кој е зафатен од проблемот, но тоа не ги спречи моторџиите да дивеат по улиците, дури и кога родители со мали деца во колички треба да ја преминат улицата.
Апелираме на поголема внимателност на сите учесници во сообраќајот, до решавање на проблемот, за кој од ЕВН не ни дадоа конкретен одговор кога ќе биде саниран.
