Легендарнста рок група “Црвена јабука”, вчеравечер одржа спектакуларен концерт во арената “Борис Трајковски” во Скопје, во склоп на големата балканска и европска турнеја по повод 40 години постоење на сцената.
Концертот го отвори младата македонска пејачка Тамара Волчевска, а речиси еден час подоцна публиката со нетрпение на сцената ги дочека легендарните “Црвена јабука”.
Во публиката можеа да се видат фанови од сите генерации. И оние кои со нив растеле, ги поминувале тинејџерските денови и со нив ја доживувале првата љубов, како и они кои во нивните почетоци се уште не биле ни родени, но денес се нивни верни фанови.
Три часа публиката неуморно ги пееше сите нивни најголеми хитови како: “Има нешто од срца до срца”, “Туго несреќо”, “Некако с прољеча”, “Тамо где љубав почиње”, “Џез ба”, “С твојих усана”, “Бежи киши с прозора”… На баладите се уклучуваа мобилните телефони и се правеше ѕвездено небо, на динамичните песни се играше и скокаше.
При изведување на песната “Џез ба”, ја запеаја и песната “Македонија” на Дадо Топиќ, која одлично се вклопи во нивниот огромен хит.
И порај три часовното шоу публиката не сакаше да си замине и бараше бонус песна или две, што е доказ дека на македонската публика и недостига квалитетна рок музика. И покрај тоа што “Црвена јабука” се чести гости во Македонија, верните фанови никогаш не испуштаат шанса да ги слушнат своите омилени рефрени од детството и младоста. Токму овој јубилеен концерт докажа дека квалитетната музика е безвременска и дека еден бенд и овде на Балканот може да трае 40 години и се уште да создава хитови.
Наталија Јосифоска
Фото: Прагма продукција
