Руското Министерство за одбрана објави дека жителите на Херсон ја преминуваат реката Днепар, откако Путин предупреди дека цивилите кои сè уште живеат во украинската провинција, која Русија ја анектираше во септември, мора да се „евакуираат“ од зоната на конфликтот.
Заменик-гувернерот на украинската област Херсон, назначен од Русија, објави дека во градот е воведен 24-часовен полициски час.
Кирил Стремусов во видео порака објавена на Телеграм рече дека полицискиот час е неопходен „за одбрана на градот Херсон“ од, како што рече, „терористичките напади“.
Стремусов ги повтори претходните повици до цивилите да го напуштат Херсон, велејќи дека конвои со украински возила биле забележани во областите на фронтот и дека е можен напад.
