Земјотрес со јачина од 4 степени според Рихтеровата скала ја погоди Хрватска неколку минути по 7 часот, регистрира Сеизмолошкиот завод на Србија.
Ова е четврти земјотрес што од утрово е регистриран во Хрватска.
Околу 05:00 часот е регистриран земјотрес со јачина од 3,7 степени според Рихтеровата скала, кој ги разбудил дури и граѓаните на Неум.
Потоа беа регистрирани уште два послаби земјотреси со јачина од 2,6 степени.
Според податоците на Сеизмолошкиот завод на Србија, земјотрес во текот на претпладнето е регистриран и во Црна Гора. Тој земјотрес бил со јачина од 2,2 степени.
