Утрински Весник
Македонија

Четири пожари на подрачјето на Куманово и Старо Нагоричане

20240131100308 big 730x400 80.webp.webp

Сува трева и стрништа гореле на две локации во Куманово и Старо Нагоричане, а пожарникарите од двете општини интервенирале и на запалена семејна куќа и помошен објект во две села, соопштија денеска од Регионалниот центар за управување со кризи Куманово.

Кумановските пожарникари ноќека до три часот по полноќ гаселе пожар на семејна куќа во село Градиште кумановско, а претходно интервенирале на пожар на помошен објект.

Пожарникарите од Куманово и од Старо Нагоричане гаселе пожари и на запалена сува трева во селата во Романовце, кумановско и во село Младо Нагоричане.

Во извештаите на територијалните противпожарни единици на Куманово и на Старо Нагоричане за претходната 2023 година се наведува дека е зголемен бројот на интервенции на пожари на отворен простор. Во кумановско лани се случиле 412 пожари на отворено, а во Старо Нагоричане 80. Во двете општини имаше двојно зголемување на број на пожари на отворено во однос на претходната година.

Можете да прочитате

„Екоцид, корупција и криминал“ – жесток статус на Миноски за состојбата во државата

ВМРО-ДПМНЕ: Хипокризија кај СДСМ, наутро сеат страв, навечер се журкаат во парк

Изет Меџити не знае за одговорност, знае само за личен интерес, велат од ДУИ