Поранешниот тренер на Баерн Минхен, Јулијан Нагелсман, доби покана за состанок со шефовите на Челси, каде ќе може да го претстави својот проект и визија за тимот, пренесува „Билд“.
Нагелсман, кој беше отпуштен од германскиот шампион на крајот на март, е меѓу главните кандидати за функцијата во лондонскиот тим откако „сините“ се разделија со Грем Потер. Засега до крајот на сезоната на кормилото ќе биде легендата на клубот Френк Лампард.
Германскиот стратег се поврзува и со тренерската позиција во Тотенхем.
Другиот сериозен кандидат за менаџер на Челси, поранешниот селектор на Шпанија, Луис Енрике, веќе ја претстави својата програма на раководството на клубот минатата недела.
Зинедин Зидан, Маурисио Покетино и тренерот на Ајнтрахт Франкфурт, Оливер Гласнер, се исто така на списокот на имиња за нов менаџер на Челси.
Bewerbungsgespräch! – Chelsea lädt Nagelsmann ein https://t.co/0KzNR66rqF #BILDSport
— BILD Sport (@BILD_Sport) April 13, 2023
