Бугарската влада најави дека ќе го повлече предлог-буџетот за 2026 година поради масовните протести во Софија и други градови. Десетици илјади демонстранти излегоа на улиците, обвинувајќи ја владата за корупција и протестирајќи против предвидените повисоки даноци.
Некои демонстранти се судрија со полицијата и ги нападнаа просториите на владејачките партии ГЕРБ и ДПС. Буџетот за следната година требаше да биде првиот што Бугарија ќе го усвои во евра, со приклучувањето на земјата кон еврозоната на 1 јануари.
Јавното мислење за усвојувањето на еврото е поделено, а дел од граѓаните се загрижени за можна висока инфлација. Протестите против корупцијата се чести во Бугарија, а синоќешниот во Софија се проценува дека бил најмасовен во последните години.
