Бројот на загинати во разорниот земјотрес во Турција и Сирија надмина 19.000, откако турскиот претседател Реџеп Таип Ердоган објави дека бројот на загинати во земјата се искачи на 16.170.
Ердоган рече дека во катастрофата се повредени уште 63.794 лица, а уништени се 6.440 згради.
Тој денеска при посетата на Газиантеп, една од покраините погодени од земјотресите на југот на земјата, рече дека од денеска ќе стапи во сила вонредната состојба во десет провинции погодени од земјотресот, пренесува Си-Ен-Ен.
Бројот на загинати во разорниот земјотрес што во понеделникот ги погоди Турција и Сирија сега е најмалку 17.176, според властите.
Во Сирија, вкупниот број на загинати е најмалку 3.162, вклучувајќи 1.900 во областите под контрола на бунтовниците на северозапад.
Околу 1.262 смртни случаи се регистрирани во делови на земјата под контрола на владата, објавија сириските државни медиуми, пренесе Блиц.рс.
