Утрински Весник
Свет

Бројот на загинати во пожарите во Чиле се искачи на 122 лица, стотици луѓе се водат како исчезнати

Бројот на загинати во шумските пожари што беснеат низ централно Чиле се искачи на 122 лица, а екипите за брза помош сè уште наоѓаат тела закопани во урнатините три дена по избувнувањето на пожарот.

Пожарникарите и војската ги расчистуваат урнатините во станбените области на крајбрежните градови Валпараисо и Вина Дел Мар, каде пожарот за неколку минути ги зафати домовите, пренесува Ројтерс.

Пожарите што избувнаа во централниот дел на Чиле на крајот на минатата недела се разгореа и се проширија во текот на викендот, пустошејќи ги крајбрежните градски зони Вина дел Мар и Валпараисо.

Стотици луѓе се водат како исчезнати, а околу 14.000 куќи се оштетени.

Можете да прочитате

САД и испратија на Турција преддоговор за продажба на борбени авиони Ф-16

Турк: И Израел и Хамас извршија воени злосторства

Шпанската полиција разби мрежа која илегално извезувала одбранбени материјал во Саудиска Арабија