Утрински Весник
Свет

Бројот на загинати во поплавите и лизгањето на земјишето во Индонезија се искачи на 62

664236078bbf0 Media 00fc45e33f0b4f80a6b9d9a331bcf797 Dmid1 62xfdsfg4 1280x720 1.jpg

 Бројот на загинати во поплавите и лизгањето на земјиштето во индонезиската провинција Западна Суматра денеска се искачи на 62, соопштија властите.

Спасувачките тимови ги пребаруваат областите во близина на реките за 25 лица кои се уште се водат како исчезнати.

Дождовите почнаа во саботата, создавајќи порои, лизгање на земјиштето и текови на студена лава, која е мешавина од вулканска пепел, камења и течна кал, изјави шефот на спасувачкиот тим во Западна Суматра, Абдул Малик.

„Обилните дождови ги однесоа материјалите како пепел и големи камења од вулканот Марапи. Во последно време отсекогаш ни биле закана студената лава и пороите. Но, проблемот е што тоа секогаш се случува доцна навечер, пред зори“, рекол Малик.

Тој посочи дека на терен се околу 400 спасувачи, полицајци и војници кои со помош на неколку багери и беспилотни летала трагаат по исчезнати лица, а операцијата за спасување е отежната на оштетените патишта.

Националната агенција за управување со катастрофи соопшти дека се оштетени 249 куќи, 225 хектари земја, вклучително и оризови полиња, 19 мостови и повеќето главни патишта.

Индонезиската метеоролошка агенција БМКГ соопшти дека планира да се обиде да ги ублажи обилните врнежи што се очекуваат следната недела во Западна Суматра со „сеење на облаци“ за да се спречи дождот во најтешко погодените области.

Можете да прочитате

Германска влада: Украина ги исполнува условите да преговара за пристапување во ЕУ

Фајненшл Тајмс: НАТО не може да ја заштити Источна Европа

Лавров: САД и НАТО сакаат да ни кажат дека нема да запрат пред ништо, нашиот потег ќе ги вразуми