На регионалната конференција во Нови Сад, српската премиерка Ана Брнабиќ, коментирајќи го српскиот протест во Рудар, рече дека Србите на Косово и Метохија се на работ на трпението, на работ на силата и дека денеска се обидоа да апелираат во најдобар можен начин сите меѓународни партнери да покажат разбирање за нивните проблеми.
„Единствено што сакаат Србите во КиМ е почитување на владеењето на правото и гарантирање на човековите права за сите, вклучително и основните човекови права. Ако некој треба да биде уапсен, треба да знае зошто, семејството да знае зошто, да знае каде е уапсениот, дали е добро, дали примал лекови, дали прима некои терапии, а не за луѓето да бидат уапсени и малтретирани само затоа што се Срби“, рече Брнабиќ.
Таа додаде дека претседателот Александар Вучиќ е во постојана комуникација со европските претставници.
„Претседателот е во постојана консултација со нашите европски партнери и со Мирослав Лајчак и со партнерите во САД и со Србите на Косово и Метохија, со цел да се одржи ситуацијата смирена и под контрола, колку што може. Но ми се чини дека нема доволно јасно оградување од потезите на Приштина и дека тоа не е во согласност со владеењето на правото и дека такви работи не можат да се толерираат. Тоа би била јасна порака, а на крајот на денот, тоа што го бараат Србите не е многу, но основна работа што не треба да биде, не се ни бара, тоа се зема здраво за готово во 21 век“, рече Брнабиќ.
