Британскиот премиер Кир Стармер нагласил пред израелскиот претседател Јицак Херцог дека се потребни „итни чекори“ за прекин на огнот во конфликтот меѓу Израел и Хамас во Газа.
„Премиерот рече дека мора да има итни чекори кон прекин на огнот за да може заложниците да бидат ослободени и да се достави повеќе хуманитарна помош до оние на кои итно им е потребна“, се вели во соопштението од кабинетот на Стармер.
„Премиерот ја повтори својата континуирана поддршка за правото на Израел на самоодбрана во согласност со меѓународното право“, се вели во соопштението.
Стармер имаше средба со Херцог во Париз, каде што и двајцата присуствуваа на Олимпијадата. Британскиот премиер истакна дека Израел и Хамас не се морално еднакви.
