Утрински Весник
Свет

Борел: НАТО не може да зависи од расположението на американскиот претседател

НАТО не може да зависи од расположението на американскиот претседател, изјави денеска високиот претставник на ЕУ за надворешна политика и безбедност Жозеп Борел одговарајќи на новинарско прашање поврзано со изјавите на поранешниот американски претседател Доналд Трамп.

– Ќе бидам саркастичен, во таа кампања ќе слушнеме и видиме многу работи, рече Борел. Да бидеме сериозни, НАТО не може да биде воен сојуз „по избор“ ниту да зависи од расположението на американскиот претседател, додаде тој.

– Не може еден ден да биде „да“, а друг ден „извинете, кој бевте вие“. Да бидеме сериозни! НАТО или постои или не. Нема да губам време коментирајќи ја секоја глупава идеја што може да се слушне во оваа кампања, рече Борел мислејќи на кампањата за претседателските избори во САД.

Можете да прочитате

Тренер по таеквондо во Австралија уби момче кое го тренирал и неговите родители

Земјоделците од Централна и Источна Европа денеска ги блокираат границите и големите градови

Пожар во Австралија, повеќе од 2.000 луѓе се евакуирани, температури над 40 степени