Утрински Весник
Македонија

Борел и Вархеји во посета на Тирана и Скопје, најавени се средби со државниот врв

Борел и Вархеји во посета на Тирана и Скопје, најавени се средби со државниот врв

Високиот претставник на ЕУ за надворешни работи Жозеп Борел, на 15-16 март ќе отпатува за Албанија, а на 16-17 март во Северна Македонија, соопштуваат од Европската унија (ЕУ).

dobivaj vesti na viber

Овие посети, како што се наведува, ќе бидат можност да се разговара за билатералните односи меѓу ЕУ и Албанија и ЕУ и Северна Македонија, во согласност со нивните договори за стабилизација и асоцијација и да се разгледаат најновите случувања во двете земји и во Западен Балкан. Ова е првпат советите да се одржуваат во Тирана и Скопје, јави РСЕ.

Во Албанија, Борел ќе се состане со албанскиот премиер Еди Рама пред да претседава со 12-тиот Совет за стабилизација и асоцијација меѓу ЕУ и Албанија кој ќе се одржи во Тирана на 16-ти март.

Во Македонија, Борел на 16 март ќе се сретне со премиерот Димитар Ковачевски, а потоа ќе ја предводи делегацијата на ЕУ на 16-тиот состанок на Советот за стабилизација и асоцијација меѓу ЕУ и Северна Македонија кој ќе се одржи во петок на 17 март.

За време на посетата, Борел ќе се сретне и со претседателот Стево Пендаровски, министерката за одбрана Славјанка Петровска и со претседателот на Собранието.

 

Можете да прочитате

Приведено и трето лице за убиството на докоторот пред поликлиниката во Железара

Тројца полициски службеници за несовесно работење во службата заработија кривични пријави 

Кривична пријава заработи лице кое заградило државно замјиште кај Бит Пазар и си наплаќал „арач“