Поради свлечиште, блокиран е патот кој ги поврзува Дебар и село Татар Елевци.
Од општината доцна попладнево информираа дека свлечиштето од земја и дрва е последица на излевање на голема количина на вода од пукање на водоводна цевка, која го снабдува резервоарот во таа зона.
– Надлежните екипи се на терен, каде што работат на санирање на дефектот во водоводната мрежа а потоа и расчистување на материјалот од коловозот, со цел воспоставување на нормален сообраќај во најкраток можен рок- наведуваат од општината.
Се замолуваат да го избегнуваат движењето на овој патен правец.
