Вицепремиерот за еконосмки прашања Фатмир Битиќи денес не сакаше да го коментира запаленото возило кое се поврзува со министерот за политички систем и односи меѓу заедниците Артан Груби. По посетата на компанијата „Сивус“ тој рече дека случајот го разгледуваат надлежните институции.
„Основнот јавно обвинителство и Државната комисија за спречување корупција го разгледуваат овој случај. Искрено, тие би требало да се изјаснат. Јас не сум дел ниту од Основното јавно обвинителство ниту дел од Државната комсија за спречување корупција“, вели вицепремиерот Битиќи.
На прашањето дали запаленото возило му било подарок на Груби од сопственик на хотел во Маврово, Битиќи рече дека може да зборува само за она што тој го има приајвено во анкетниот лист.
„Јас не можам да реферирам за однесувањето на другите колеги“, рече вицепремиерот Битиќи.
Во петокот, доцна вечрата беше запален автомобил пред зградата во која живее министерот Груби, а тој на социјалните мрежи во саботата на сите соседи им се извини за непријатностите на кои биле изложени, а континуираните закани и последователните напади напиша дека ги смета за кукавички и подмолни. Му се извини и на пријателот и неговото семејство за направената штета со палењето на автомобилот укажувајќи дека изгорениот автомобил не е негов туку на негов сосед.
Поддршка доби од неговите сопартијаци. Министерот за надворешни работи Бујар Османи беше „револтиран од веста за одвратниот чин-палење на возилото на вицепремиерот Груби“, а за Крешник Бектеши, палењето на автомобилот е „неприфатлива постапка која го нарушува имиџот на државата и создава неизвесност кај граѓаните“.
