Поранешниот италијански премиер Силвио Берлускони е новата ѕвезда на TikTok, а неговото прво видео беше прегледано повеќе од 5 милиони пати неколку часа по објавувањето.
Во друго видео, кое собра повеќе од 2,4 милиони прегледи, поранешниот италијански премиер раскажува шега за себе, за претседателите на Русија и САД – Владимир Путин и Џо Бајден и за папата, јавуваат италијанските медиуми.
@silvio.berlusconi Salve ragazzi, ci siamo incontrati per la prima volta su #TikTok, che per quanto mi riguarda avrei preferito chiamare Tik Tok Tak. Cosi è più completo! Vi ho detto che vi avrei intrattenuti su argomenti che possono riguardarvi da vicino. Ma ho pensato anche che per mantenere i rapporti con gli altri bisogna tendere alla massima cordialità. Uno degli strumenti per arrivare a farlo sono le #barzellette, perchè sono terapeutiche. Poi penseremo a parlare di programmi. Tik Tok Tak! #silvioberlusconi #berlusconi #forzaitlia???????? ♬ suono originale – Silvio Berlusconi
Во него политичари, папата и млад папски помошник летаа со авион над Атлантикот. Во еден момент излегува дека поради вонредна ситуација, авионот ќе се урне за пет минути, додека во него има само четири падобрани, но има пет патници.
– Џо Бајден го зема првиот и вели „ова е за мене бидејќи јас сум најмоќниот човек на Западот“. Владимир Путин зема друг и вели: „Ова е за мене затоа што јас сум најмоќниот човек на Истокот“. Следен излегува Силвио Берлускони и вели „ова е за мене, бидејќи сите знаат дека јас сум најпаметниот политичар на светот“ – вели поранешниот премиер на Италија во видеото.
После тоа, младиот асистент му го дава преостанатиот падобран на папата, но папата го отфрла и вели дека тој е веќе стар и имал долг и среќен живот.
Сепак, Берлускони продолжува во својата шега, асистентот забележува дека останале два падобрани бидејќи „најпаметниот политичар“ наместо падобран му го зел ранецот.
Со ова заврши шегата на Берлускони која беше прегледана повеќе од два милиони пати.
