Утрински Весник
Спорт

Берлускони: Монца до скудетото за година-две

Берлускони: Монца до скудетото за година-две

Поранешниот италијански премиер и ексгазда на Милан, Силвио Берлускони секогаш бил амбициозен човек, и по импресивната 0:2 победа над Јувентус вели дека главната цел е да се освои скудетото со клубот кој оваа сезона му е прва во италијанската елита.

dobivaj vesti na viber

86-годишниот Берлускони ја презеде Монца во септември 2018, додека клубот беше во Серија Ц, и поставувајќи здрави темели, ги однесе првпат во Серија А во 110-годишната историја на клубот. Досега, во првата сезона тие се на 11. место по 20 меча, со 12 поени над зоната за испаѓање, а минатата недела стигнаа до славна победа над Јувентус.

„Во Монца навистин веруваме, сакаме да станеме уште поважен клуб, и можеме да му порачаме на претседателот Адријано Галијани – сакаме да го освоиме скудетото, следната година или година подоцна. Купивме нови играчи, го удвоивме нашиот тренинг-центар Монцело, кој сега е најубав и најголем во Италија. Исто така го средивме стадионот со мала инвестиција од 25 милиони евра. Кога пристигнавме во клубот, на трибините имаше по 300 гледачи, сега има 10.000. Мораме да останеме обдинети. Мораме да ја направиме Монца голема“, вели Берлускони.

Можете да прочитате

Македонската репрезентација во традиционално карате на ИТКФ/ЈКА Европскиот куп освои осум златни медали

Лука Модриќ влезе во игра и по шест минути со гол му донесе победа на Реал

Ливерпул го победи Челзи и го освои трофејот во Лига купот