Утрински Весник
Македонија

Бендевска: Нема да бидам нов министер за правда

Vesna Bendevska.png

Пратеничката од редовите на ЗНАМ, партија која ќе биде дел од новото мнозинство во Владата, Весна Бендевска денеска во дебатниот магазин „Click Plus“ на ТВ21 откри дека нема да биде новиот министер за правда.

Бендевска вели дека таа не е правник, така што позицијата нема да ја води таа, туку човек кој ќе се посвети со цело свое искуство и капацитет.

„По трет пат остро ќе ја демантирам оваа вест, дека сум можен кандидат за министер за правда. Затоа што Движењето ЗНАМ навистина располага со ивонредно квалитетни кадри кои ќе можат да одговорат за функциите кои би ги добиле во евентуалното учество во Владата“, рече Бендевска.

Таа вели не може со сигурност да каже дека ќе има евентуално учество во Влада, додека не се донесе одлука пред партиските органи.

„Во петок се закажани нашите органи, со официјално соопштение ќе ја информираме јавноста за нашето идно евентуално учество“, додаде Бендевска.

Можете да прочитате

СДСМ: Албанија ќе биде запад за Македонија, ВМРО-ДПМНЕ ги прекина преговорите со ЕУ

Филипче: Бошњачката заедница е нераскинлив дел од нашето мултиетничко општество

ВРЕДИ – КУМАНОВО: АЛБАНЦИТЕ ГИ ПАМЕТАТ ЦРНИЛАТА НА ДУИ