Премиерот Христијан Мицкоски сподели топла и радосна вест по повод Бадник, откривајќи дека семејната традиција оваа година донела посебно изненадување за неговото семејство.
„Оваа година, за Бадник кај моите родители, семејната топлина и радост беа дополнети со едно мало, но значајно изненадување – паричката од бадниковата погача падна кај мојот син Антониј!“ – напиша Мицкоски, пренесувајќи дел од празничната атмосфера во неговиот дом.
Со оваа објава, премиерот ја сподели личната среќа, упатувајќи искрени желби за сите граѓани:
„Со искрена радост и надеж дека и вас ве следи среќа во новата година, ви посакуваме убави празнични моменти, мир во срцата и многу љубов во вашите домови.“
Мицкоски ја заврши својата порака со традиционалното: „Среќни празници и Христос се роди!“
